النجع - نبيهة كراولي - العبروق 3 (مقدمة)

⁣النجع أو سلسلة رفاقة عمر الليبية تحكي عن الثراث الليبي والموروث الشعبي من أغاني تراثية . تغنى بها المطربين الليبيين والعرب . والفنانة نبيهة كراولي من أبرز الوجوه الفنية التي غنت في هذه السلسلة وهي من كلمات وإعداد الشاعر الليبي : علي الكيلاني وألحانه

أيضا الى جانب عمالقة الألحان الليبية الذين ساهموا في نجاح هذه السلسلة " النجع " رفاقة عمر


⁣
كلمات الأغنية :
*( أسماء مدن ومناطق وقبائل)

________

بخنوق بنت (المحاميد) عيشة ... ريشة بريشة .... عامين ما يكملوش النقيشة

**

عبروق من (بدر) زينه ونوره ... راهق يزوره ... برهان وزناد تفزع قصوره

اللي برهانه راقد سبيبه نعرفوا برهانه .... طالبين له كل عود له دخانه

عبروق ملبوسها من (العسة) .. .ما فيه خصة ... مساديه وداد ما يتوصى

من (علاقي) ... عبروق ظافي ناقشه (علاقي) ...تخايل على عيشة وليها واقي

***

عبروق (غريان) عـ الزين ريته ... من لون زيته ...جاء طول للقلب والقلب بيته

يا واردهن عيون في جبل (غريان) يا واردهن ...فيهن الماء لكن عطاش وحدهن

عبروق من (سرت) منقوش ليها ... تخايل عليها ... تفديه بالروح ويموت فيها

من (سرتاوي) ...عبروق عيشة ناقشه (سرتاوي) .... مولاه يجرح بالغلا ويداوي

*

عبروق بين (اوجلة) و بين (جالو) ... يضبح تعالوا... شرهاب و يسال عـ اللي يسالوا

لقاها مرة اللي طمع فيها لقاها مرة ...شن صار في (الكفرة) تقول (جخرة)

عبروق ولسان ما فيه زلة ... تلاقن في (زلة) ... والجود و الحق هي محله

جواده صايل ...عارفين في (الفقهاء) جواده صايل ... في وقت فيه الجيدين قلايل

***

عبروق ملبوسها من (القبة) ...حبة بحبة .... فايح على البعد ريحة محبة

الغزال الشارد عيون قابلني في الغزال الشارد ... شلال (درنة) في العشية وارب

عبروق ملبوسها من (الغريفة) ... مافيش كيفه ...مفصل على زوق سمحة الصفة

عليك ريافي ...يا تربة جدودي عليك ريافي ... يا تراب ساخن والضمير الصافي

**

عبروق ملبوسها من (الهيشة) ... و تراب عيشة ... اللي يجيه طماع يغلب جيشه

به يجرب ... اللي ما يصدق مين بيه يجرب .... شوف كيف صلاح البلاد تحرب

عبروق من (الخمس) بخطوط خمسة ... يصبح و يمسى ... و لونه على لون قمره وشمسه

ما بيخيبوا ... قاصدين (الفواتير) ما بيخيبوا ... تستور هلنا في البعيد يجيبوا

بخنوق بنت (المحاميد) عيشة ... ريشة بريشة ... عامين ما يكملوش النقيشة